കണ്ണൂരിൽ കാറും ബസും കൂട്ടിയിടിച്ച് അപകടം: ഒരാൾ മരിച്ചു, രണ്ടു പേരുടെ നില ഗുരുതരം
കണ്ണൂർ: കാറും ബസും കൂട്ടിയിടിച്ച് അപകടം. കണ്ണൂർ കണ്ണപുരം പാലത്തിനടുത്താണ് അപകടം ഉണ്ടായത്. അപകടത്തിൽ ഒരാൾ മരിച്ചു. വടകര സ്വദേശി ബിന്ദുവാണ് മരിച്ചത്.
വൈകിട്ട് ആറരയോടെയായിരുന്നു സംഭവം നടന്നത്. കാറിലുണ്ടായിരുന്ന മറ്റു രണ്ടുപേരുടെ നില ഗുരുതരമാണ്. ഇവരെ ചെറുകുന്നിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. കണ്ണൂരിൽ നിന്ന് പയ്യങ്ങാടിയിലേക്ക് പോയ ബസിൽ എതിരെ വന്ന കാർ ഇടിക്കുകയായിരുന്നു. ബസിൽ സഞ്ചരിച്ചിരുന്ന ചിലർക്ക് നിസാര പരിക്കുകളുമേറ്റിട്ടുണ്ട്.
