ബലാത്സംഗത്തിനിരയായ യുവതിയോട് കോടതിയിൽ വച്ച് മുറിവുകൾ കാണാൻ വസ്ത്രം നീക്കാനാവശ്യപ്പെട്ടു; മജിസ്ട്രേറ്റിനെതിരെ കേസ്
![](https://timeskerala.com/static/c1e/client/91214/uploaded/16a4d4882d882a5448d50a8700586ce4.jpg)
ബലാത്സംഗം ചെയ്യപ്പെട്ട യുവതിയോട് കോടതിയില് വച്ച് മുറിവുകള് കാണിക്കാന് വസ്ത്രം നീക്കാനാവശ്യപ്പെട്ട മജിസ്ട്രേറ്റിനെതിരെ കേസെടുത്തു. രാജസ്ഥാനിലാണ് സംഭവം നടന്നത്. യുവതിയുടെ പരാതിയിൽ കരൗലി ജില്ലയിലെ മജിസ്ട്രേറ്റിനെതിരെയാണ് കേസെടുത്തിരിക്കുന്നത്. മാർച്ച് 19നാണ് യുവതി ബലാത്സംഗത്തിനിരയായത്.
മുറിവുകള് കാണിക്കുന്നതിനായി വസ്ത്രം മാറ്റാന് മജിസ്ട്രേറ്റ് ആവശ്യപ്പെട്ടുവെന്ന് യുവതി പറഞ്ഞിരുന്നു. വസ്ത്രം മാറാൻ വിസമ്മതിച്ച യുവതി മൊഴിനൽകിയ ശേഷം മാര്ച്ച് 30ന് മജിസ്ട്രേറ്റിനെതിരെ പരാതി നൽകുകയും ചെയ്തു. യുവതിയുടെ പരാതിയില് കേസ് എടുത്തതായി പൊലീസ് അറിയിച്ചു.