കാസര്കോട് നൃത്തപരിശീലനത്തിനിടെ 13 കാരി കുഴഞ്ഞുവീണ് മരിച്ചു
നൃത്ത പരിശീലനത്തിനിടെ എട്ടാം ക്ലാസ് വിദ്യാര്ത്ഥിനി കുഴഞ്ഞുവീണു മരിച്ചു. കാസര്കോട് തൊട്ടി കിഴക്കേക്കരയില് പരേതനായ തായത്ത് വീട്ടില് രവീന്ദ്രന്റെ മകള് ശ്രീനന്ദ (13) ആണ് മരിച്ചത്. ഇന്നലെ രാത്രിയാണ് ദാരുണസംഭവമുണ്ടായത്. കുഴഞ്ഞുവീണ കുട്ടിയെ ഉടന് തന്നെ കാഞ്ഞങ്ങാട്ടെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. പാക്കം ഗവണ്മെന്റ് ഹയര്സെക്കണ്ടറി സ്കൂളിലാണ് ശ്രീനന്ദ പഠിക്കുന്നത്. കുട്ടിക്ക് മറ്റ് അസുഖങ്ങളൊന്നുമുണ്ടായിരുന്നില്ലെന്നാണ് ഇപ്പോള് പുറത്തുവരുന്ന വിവരം. കൂടുതല് മെഡിക്കല് റിപ്പോര്ട്ടുകള് പുറത്തുവന്നതിന് ശേഷം മാത്രമേ മരണകാരണം അറിയാന് സാധിക്കൂ. സംസ്കാരം ഇന്ന് നടക്കും.