ഗര്ഭിണിക്ക് ചികിത്സ നിഷേധിച്ച സംഭവം; കേസെടുത്ത് പൊലീസ്, നിര്ണായക പത്തോളജിക്കല് ഓട്ടോപ്സി ഇന്ന്
തിരുവനന്തപുരം: ഗര്ഭിണിക്ക് ചികിത്സ നിഷേധിച്ച സംഭവത്തില് കേസെടുത്ത് പൊലീസ്. കഴക്കൂട്ടം സ്വദേശി പവിത്രയുടെ കുടുംബം നല്കിയ പരാതിയിലാണ് മെഡിക്കല് കോളേജ് പൊലീസ് കേസെടുത്തത്. തിരുവനന്തപുരം തൈക്കാട് സര്ക്കാര് ആശുപത്രിക്കെതിരെയാണ് പരാതി നല്കിയത്.
കുഞ്ഞിന് അനക്കമില്ലെന്ന് പറഞ്ഞ് അര്ദ്ധരാത്രി ചികിത്സ തേടിയെത്തിയ ഗര്ഭിണിക്ക് ചികിത്സ നിഷേധിച്ചെന്നായിരുന്നു പരാതി. അടുത്ത ദിവസം നടത്തിയ സ്കാനിംഗിൽ കുഞ്ഞ് മരിച്ചതായും കണ്ടെത്തിയിരുന്നു. അതേസമയം കുഞ്ഞിന്റെ മരണകാരണം അറിയാനുള്ള നിര്ണായകമായ പത്തോളജിക്കൽ ഓട്ടോപ്സി ഇന്ന് നടത്തും. സംഭവത്തിനു ശേഷം ആശുപത്രിക്കെതിരെ പൊലീസിലും ആരോഗ്യമന്ത്രിക്കും കുടുംബം പരാതി നൽകിയിരുന്നു.
