തദ്ദേശവാര്ഡ് പുനര്വിഭജനത്തിനുള്ള ഓര്ഡിനന്സ് മടക്കി ഗവര്ണര് ആരിഫ് മുഹമ്മദ് ഖാൻ: നടപടി തെരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നത് ചൂണ്ടിക്കാട്ടി
തിരുവനന്തപുരം: ഗവര്ണര് ആരിഫ് മുഹമ്മദ് ഖാന് തദ്ദേശസ്വയംഭരണ വാര്ഡ് പുനര്വിഭജനം സംബന്ധിച്ച ഓര്ഡിനന്സ് മടക്കി. ഈ നടപടി തെരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നത് ചൂണ്ടിക്കാട്ടിക്കൊണ്ടാണ്. കൂടാതെ, തെരഞ്ഞെടുപ്പ് കമ്മീഷന്റെ അനുമതി ഓര്ഡിനന്സിന് ആവശ്യമാണെന്നും ഗവർണർ വ്യക്തമാക്കുകയുണ്ടായി. സംസ്ഥാനത്തെ മുഴുവന് തദ്ദേശ വാര്ഡുകളിലും ഒരു വാര്ഡ് അധികമായി പുനര്വിഭജനം നടത്താനുള്ള ഓര്ഡിനന്സ് പുറത്തിറക്കാന് തീരുമാനമെടുത്തത് തിങ്കളാഴ്ച ചേര്ന്ന പ്രത്യേക മന്ത്രിസഭാ യോഗമാണ്. നീക്കം ഓർഡിനൻസിൽ ഗവർണർ ഒപ്പുവയ്ക്കുകയും ശേഷം വെള്ളിയാഴ്ച മന്ത്രിസഭാ യോഗം ചേര്ന്ന് ജൂണ് 10 മുതല് നിയമസഭാ സമ്മേളനം വിളിക്കാനുമായിരുന്നു. അതേസമയം, സർക്കാരിന് സഭാ സമ്മേളനം വിളിച്ചു ചേര്ക്കാന് ഗവര്ണറോട് ശിപാര്ശ ചെയ്യാൻ ഓര്ഡിനന്സില് ഒപ്പിടാതെ കഴിയില്ല. സഭാസമ്മേളനം വിളിക്കാനായി തീരുമാനിക്കുകയാണെങ്കിൽ ഓര്ഡിനന്സിന് പകരം ബില്ല് കൊണ്ടുവരേണ്ടതായി വരും.
