തിരുവനന്തപുരം; ആറ് പേര്ക്ക് കൂടി തിരുവനന്തപുരത്ത് കോളറ സ്ഥിരീകരിച്ചു. ഇതോടെ രോഗം സ്ഥിരീകരിച്ച് ചികിത്സയില് കഴിയുന്നവരുടെ എണ്ണം ഏഴായി. ഇതില് മൂന്ന് പേര് ഐസോലേഷന് വാര്ഡിലും രണ്ട് പേര് മെഡിക്കല് കോളേജിലുമാണ് ചികിത്സയില് കഴിയുന്നത്.ജലത്തിലൂടെ പകരുന്ന രോഗമാണ് കോളറ. വൃത്തിഹീനമായ ചുറ്റുപാടുകളില് നിന്നും ലഭിക്കുന്ന വെള്ളം, ആഹാരം എന്നിവയിലൂടെയാണ് ഈ രോഗാണു ശരീരത്തിലെത്തുന്നത്. ശരീരത്തില് കടക്കുന്ന ബാക്ടീരിയ 'കോളറാ ടോക്സിന്' എന്ന വിഷവസ്തു ഉത്പാദിപ്പിക്കും.
ഛര്ദി, വയറിളക്കംം എന്നിവയാണ് പ്രധാന ലക്ഷണങ്ങള് കാലുകള്ക്ക് ബലക്ഷയം, ചെറുകുടല് ചുരുങ്ങല്, ശരീരത്തില് നിന്ന് അമിതമായി ജലാംശം നഷ്ടപ്പെടല്, തളര്ച്ച, വിളര്ച്ച, എന്നിങ്ങനെയുള്ള ലക്ഷണങ്ങളും കണ്ടേക്കാം.പുറത്ത് നിന്ന് വെള്ളം കുടിക്കുന്നത് ഒഴിവാക്കുകയാണ് ശ്രദ്ധിക്കേണ്ട പ്രധാന കാര്യം.തിളപ്പിച്ചാറ്റിയ ശുദ്ധമായ വെള്ളം മാത്രം കുടിക്കാന് ശ്രദ്ധിക്കുക. ആഹാര പദാര്ത്ഥങ്ങള് സൂക്ഷിക്കുന്ന ഇടങ്ങള് ശുചിയായി വെക്കുക
