വെള്ളത്തിലൂടെ നീന്തുന്ന കടുവ; കക്കയം ഡാം റിസർവോയറിൽ നിന്നുള്ള ദൃശ്യങ്ങള്‍ വൈറൽ
കക്കയം ഡാം റിസർവോയറിൽ കടുവ ഇറങ്ങി. വെള്ളത്തിലൂടെ നീന്തിപ്പോകുന്ന കടുവയുടെ ദൃശ്യം ബോട്ടിൽ സഞ്ചരിക്കുകയായിരുന്ന വിനോദ സഞ്ചാരികളാണ് പകർത്തിയത്. റിസർവോയർ നീന്തിക്കടന്ന് കടുവ കാട്ടിനുള്ളിലേക്കു കയറിപ്പോയി.
റിസർവോയറിന് സമീപത്തെ വനത്തിൽ കടുവയുടെ സാന്നിധ്യം നേരത്തേ സ്ഥിരീകരിച്ചിരുന്നു. എന്നാൽ റിസർവോയറിന്റെ പരിസരത്ത് കടുവയെ കാണുന്നത് ഇതാദ്യമായാണ്. ഒരു കടുവയെ മാത്രമാണ് ഇതുവരെ നേരിൽ കാണാനായത്. കടുവയെ കണ്ടതോടെ വനംവകുപ്പ് മേഖലയിൽ നിരീക്ഷണം ശക്തമാക്കി.
