ന്യൂഡൽഹി
ദേശീയ ഗ്രാമീണ തൊഴിലുറപ്പ് പദ്ധതി ഫണ്ട് വിഹിതം കേന്ദ്രസര്ക്കാര് വർഷം തോറും വെട്ടിക്കുറയ്ക്കുന്നത് സ്ഥിരീകരിച്ച് രാജ്യസഭയിൽ ഗ്രാമവികസന സഹമന്ത്രി കമലേഷ് പാസ്വാന്റെ മറുപടി. 2020–-21ൽ 1.1 ലക്ഷം കോടി രൂപയായിരുന്നത് 2021- –22ൽ 97,794 കോടിയായി കുറച്ചു. 2022 –-- 23ൽ 90,041 കോടിയും 2023–--24ൽ 88,554 കോടിയുമായും വെട്ടിക്കുറച്ചു. 2021-–-22-ൽ -11.37 ശതമാനം, 2022–--23-ൽ -7.93 ശതമാനം, 2023-–-24-ൽ -1.65 ശതമാനവുമാണ് കുറച്ചത്.
തൊഴിൽദിനങ്ങളിലും കുറവുണ്ടായി. 2022-–-23ൽ തൊഴിൽ ദിനങ്ങളിലെ ഇടിവ് -18.92 ശതമാനമായിരുന്നു. 2023-–-24ൽ തൊഴിൽദിനങ്ങൾ വർധിച്ചിട്ടും ചെലവഴിച്ച തുക കുറഞ്ഞു. കേന്ദ്രവിഹിതം സംസ്ഥാനങ്ങൾക്ക് കൈമാറുന്നതിൽ വരുത്തുന്ന കാലതാമസത്തിന് തെളിവാണിത്. തൊഴിലുറപ്പ് പദ്ധതിയിലെ ശരാശരി വേതനം കുറയുകയോ കാര്യമായി വർധിക്കാതെ നിൽക്കുകയോ ചെയ്യുന്നതായും കണക്കുകൾ കാണിക്കുന്നു.
2019-–20ൽ 267 രൂപ, 2020-–-21ൽ 283 രൂപ, 2021–-222ൽ 269 രൂപ, 2022-–-233ൽ 304 രൂപ, 2023-–-244ൽ 283 രൂപ എന്നിങ്ങനെയാണ് ശരാശരി വേതനനിരക്ക്. ഗ്രാമീണ തൊഴിലില്ലായ്മ വലിയ പ്രശ്നമായി തുടരുമ്പോഴും തൊഴിലുറപ്പ് പദ്ധതി വിഹിതം കുറയ്ക്കുന്നത് ദരിദ്ര ജനതയോടുള്ള വെല്ലുവിളിയാണെന്ന് വി ശിവദാസൻ എംപി പ്രതികരിച്ചു.
