തിരുവനന്തപുരം ശിശുക്ഷേമ സമിതിയിൽ ആയമാരുടെ കൊടും ക്രൂരത; രണ്ടര വയസുകാരിയുടെ ജനനേന്ദ്രിയത്തിൽ മുറിവേൽപ്പിച്ചു
photo - facebook
തിരുവനന്തപുരം: തിരുവനന്തപുരത്ത് ശിശുക്ഷേമ സമിതിയിൽ രണ്ടര വയസുകാരിയോട് ക്രൂരത. കുട്ടിയുടെ ജനനേന്ദ്രിയത്തിൽ മുറിവേൽപ്പിച്ച ആയമാർ അറസ്റ്റിൽ. അജിത, മഹേശ്വരി, സിന്ധു എന്നീ ആയമാരെയാണ് പോലീസ് അറസ്റ്റു ചെയ്തത്.
കിടക്കയിൽ മൂത്രമൊഴിച്ചതിനാണ് കുട്ടിയെ ഉപദ്രവിച്ചതെന്ന് ശിശുക്ഷേമ സമിതി ജനറൽ സെക്രട്ടറി പോലീസിന് നല്‍കിയ പരാതിയില്‍ ആരോപിക്കുന്നു. ആയമാര്‍ക്കെതിരെ പോക്‌സോ നിയമപ്രകാരം കേസെടുത്തു.
അജിത എന്ന ആയയാണ് കുഞ്ഞിനെ മുറിവേല്‍പ്പിച്ചത്. കുഞ്ഞിനെ ഉപദ്രവിച്ചതിനും ഉപദ്രവിച്ച കാര്യം മറച്ചു വച്ചതിനുമാണ് മറ്റ് രണ്ടുപേര്‍ക്കെതിരെ്യും കേസില്‍ പ്രതിചേര്‍ത്തത് . കുട്ടിയെ വൈദ്യചികിത്സയ്ക്ക് വിധേയമാക്കി. കുഞ്ഞിന്റെ ആരോഗ്യനില തൃപ്തികരമെന്നാണ് വിവരം
